Святителю чудне Иоанне, толико распространил еси сердце свое, яко нетесно вмещатися в нем множество почитающих тебя человек от различных племен и народов.

Призри на убожество словес наших, обаче от любве к тебе приносимое и помози нам, угодниче Божий, поне отныне очищати себе от всякия скверны плоти и духа, работая Господу со страхом и радуяся Ему с трепетом. И что воздамы тебе за радость оною, юже ощутихом, зря в храме святем мощи твоя святые и прославляюще память твою.

Воистину, не имамы чем воздати, точию: аще начнем себе исправляти, бывая новыми вместо ветхих.

Сея благодати обновление буди нам ходатай, о святе Иоанне, преставленный от сего временного во иное житие вечное, в неже настави тя Пречистая Владычица, Одигитрия Зарубежия и Рассеяния Русского, чудотворною своею иконою Кореннокурскою, еяже спутник ты явился еси в день преставления своего, о нейже радуешися ныне в лице святых, славящих Единого в Троице славимаго Бога, Отца и Сына, и Святаго Духа ныне и присно и во веки веков.Аминь.